Á félagsfundi 20. nóvember s.l. var samþykkt tillaga stjórnar um uppstillinganefnd.
Í nefndinni sitja:
Hafsteinn Karlsson, formaður
Gunnar Gylfason
Jónas Már Torfason
Margrét Tryggvadóttir
Sólveig Skaftadóttir
Ýr Gunnlaugsdóttir
Nefndin skal skila af sér tillögu að framboðslista til sveitastjórnarkosninga 2018 á félagsfundi 15. janúar 2018.
Mánudaginn 20. nóvember n.k. kl. 20 mun Pétur Hrafn oddviti Samfylkingarinnar í Kópavogi segja okkur frá innihaldi fjárhagsáætlunar Kópavogs 2018 sem liggur fyrir bæjarstjórn til samþykktar og hvar okkar áherslur liggja.
Einnig verður lögð fram tillaga stjórnar að uppstillingarnefnd fyrir næstu sveitastjórnarkosningar til samþykktar.
Allir velkomnir
Stjórnin
Mánudaginn 13. nóvember kl. 20 verður félagsfundur hjá Samfylkingunni í Kópavogi. Fundarefnið er ákvörðun um aðferð við val á framboðlista til næstu sveitastjórnarkosninga. Valið stendur um fjórar aðferðir og verður kosið um þær í leynilegri atkvæðagreiðslu.
Einnig verður auglýst eftir aðilum í kjör/uppstillingarnefnd. Kosið verður um hana á fundi viku síðar.
Skv. lögum félagsins segir svo um val á framboðslista:
Grein 10 Framboð - bæjarstjórn og Alþingi
10.1 Samfylkingin í Kópavogi skal að fengnu samþykki félagsfundar bjóða fram til bæjarstjórnarkosninga í Kópavogi og styðja framboð Samfylkingarinnar til Alþingis. Skal unnið að framboði í samræmi við skuldbindandi reglur Samfylkingarinnar um aðferðir við val á framboðslista.
10.2 Kjörnefnd gengur frá tillögum um framboðslista til sveitarstjórnakosninga sem lagður er fyrir félagsfund til umræðu og samþykktar. Kjörnefnd skal skipuð af félagsfundi Samfylkingarinnar í Kópavogi í síðasta lagi sex mánuðum fyrir kosningar.
Sjá hér heildarlög Samfylkingarinnar í Kópavogi
Skv. lögum Samfylkingarinnar segir svo um val á framboðslista:
3. Aðferðir við val á framboðslista:
Fjórar leiðir eru í boði við að velja á framboðslista Samfylkingarinnar.
3.1 Flokksval – prófkjör þar sem flokksmenn einir hafa kosningarétt.
3.2 Flokksval – prófkjör þar sem flokksmenn og skráðir stuðningsmenn einir hafa kosningarétt.
3.3 Kjörfundur – kosið á kjörfundi í hvert sæti fyrir sig. Kjörfundur getur verið:
a) Kjördæmisþing eða fundur fulltrúaráðs (þar sem sitja fulltrúar kosnir af aðildarfélögum).
b) Aukið kjördæmisþing eða aukinn fundur fulltrúaráðs (þar sem sitja fulltrúar kosnir af aðilarfélögum og varamenn þeirra).
c) Félagsfundur aðildarfélags.
3.4 Uppstilling – raðað á framboðslista af sérkjörinni uppstillinganefnd. Setja skal uppstillinganefnd starfsreglur og afmarka verksvið hennar.
Lög flokksins má finna hér
